(...) Item, Donnus Sabastianus, de Asnelas, dixit quod Gunsalvus Gunsalvi, miles, de Budiosa, tenet unum regalengum Regis in via que vadit de Senorim pro ad Vilar Sico¹, et partit per summum cum hereditate que fuit de Marinota ad de Fernando. Et dixit quod vidit Dominicum Petri, dictum Verdelo, laborare ipsam hereditatem et dare de ea rationem prestamario Regis. Interrogatus de tempore quo Rodericus Bafio, antecessor de Gunsalvo Gunsalvi, habuit ipsum regalengum, dixit quod tempore Domini Regis Sancii, fratris istius Regis.
Martinus Gunsalvi, de Santar, juratus, dixit quod audivit dicere Dominico Verdelo quod dederat inde rationem prestamario Regis.

De Senorim.-Item, Donnus Sabastianus, de Asnelas, dixit quod Rodericus Bofio conparavit unam hereditatem e forariam Regis de caballaria, in Senorim, de Maria Suariz, que morabatur in Sena, et fuit de caballaria de Petro Neto; et modo Johannes Roderici habet ipsam hereditatem et nullum forum facit Regi, nisi in collecta. Interrogatus de tempore, dixit quod tempore Regis Sancii, fratris istius Regis.
Petrus Suariz, judex, dixit similiter. F. Gunsalvi, quondam judex, dixit similiter. F. Martini dixit similiter; sed de tempore non recordatur.
Item, Donnus Sabastianus dixit quod Sancia Fernandi, de Villa Rubea, et homines sui tenent et filiant unam hereditatem forariam Regis de caballaria de Marinota de Senorim, et jacet in Riparia de Caria quomodo partit per t planum de Barazal de Auteyro.
Petrus Suariz, judex, dixit similiter; et addit quod defendit Donna Sancia ipsam hereditatem forariam Regis hominibus de Senorim.

De Canas de Senorim.-Item, Donnus Sabastianus, de Asnelas, juratus, dixit quod terminus de Canas partit cum Asnelas per Moledo de Travazos et per fogium veterem de Fernando Johannis et passat stratam et vadit per vallem de Oriariza² quomodo intrat in Carregal et vadit ad Mondegum ad fontem de Caldas (Caldas da Felgueira). Et dixit quod cautum de Canas est positum ultra istos terminos, et homines de Canas filiant hereditates de Asnelas que sunt intus cautum. Et addit quod Suierius Fromariguiz et Donna Monia, uxor sua, vendiderunt istam hereditatem de Canas, caballariam Regis, ecclesie visensi per istos predictos terminos. (...)

purl Biblioteca Nacional

index